Umutoza w’agateganyo wa Manchester United, Ralf Rangnick yatangaje ko ikipe abereye umutoza itazigera isinyisha umukinnyi utarafashe urukingo rwa Covid-19, akemeza ko n’andi makipe akwiye gutekereza ku kuba yabura abakinnyi ngenderwaho kubera iki cyorezo.

Ni nyuma y’uko Jurgen Klopp utoza Liverpoll atangaje ko iyi kipe,mu gihe cy’igura n’igurisha ry’abakinnyi(transfers), izita ku bakinnyi bikingije Covid-19 gusa.

Ralf Rangnick yavuze ibi mu gutinya ko hari abakinnyi bamwe bazajya basiba imikino kubera icyorezo cya Covid-19 bitazwi iherezo ryacyo.

Mu cyumweru gishize, Ubuyobozi bwa Premier League (irushanwa ry’umupira w’amaguru mu cyikiro cya mbere mu Bwongereza) bwagaragaje ko 16% by’abakinnyi batarafata ubwoko ubwo aribwo bwose bw’urukingo. Ni mu gihe kandi Covid-19 igenda igaragara mu rwambariro rw’amakipe atandukanye mu gihugu

Manchester United iherutse kwibasirwa na Covid-19 byatumye hasubikwa imikino ibiri yagombaga kuyihuza na Brentford na Brighton.