Kubera ubwoba bw’uko inyeshyamba zo muri Tigray zishobora kwinjira mu murwa mukuru wa Ethiopia, Addis Ababa, abayobozi bakuru muri uyu murwa basabye abawutuye kwandikisha intaro zabo bitegura kurwana ku ho batuye.

Ibi babisabwe nyuma yuko inyeshyamba za TPLF zitangaje ko zafashe imijyi ya Dessie na Kombolcha iri mu ntera ya Kilometero hafi 400 uvuye Addis Ababa.

Kubera iyi ntambara hagati y’ingabo za Leta ya Ethiopia n’abarwanyi ba TPLF, Ethiopia yatangaje ko igihugu kiri mu bihe bidasanzwe.

Binyuze mu ntumwa yihariye y’Amerika mu karere k’ihembe rya’Afrika, Jeffrey Heltman, yavuze ko yamaganye gahunda ya TPLF yo kwerekeza mu murwa mukuru Addis Ababa utuwe n’abarenga million eshanu.

Kuva iyi ntambara yatangira mu mwaka ushize,TPLF yateye intambwe yerekeza mu duce duhana imbibe na Tigray twa Amhara na Afar.

Umuryango w’abibumbye(ONU) uvuga ko abantu ibihumbi 400 babayeho mu nzara, mu gihe ababarirwa mu bihumbi baguye muri iyi ntambara naho abarenga miliyoni ebyiri babaka barahunze ingo zabo.