Perezida w’Afurika y’Epfo, Cyril Ramaphosa, avuga ko ubwoko bushya bwa Virus ya Covid-19 buzwi nka Omicron, bigaragara ko bumaze gukwirakwira mu Ntara hafi icyenda z’igihugu.

Perezida Ramaphosa yatangaje ko hari gutegurwa kongera ibitaro, mu gihe iki gihugu kinjiye mu nkubiri ya kane ya Covid-19 bitwewe na Omicron nkuko ALJAZEERA ibitangaza.

Ramaphosa yavuze ko Omicron isa nkaho yiganje mu bwandu bushya buri kugaragara mu Ntara icyenda z’igihugu, bityo asaba ko abantu benshi bakomeza kwikingiza Covid-19.

Yagize ati”Nkuko twinjiye mu nkundura ya kane y’icyorezo, icya mbere kihutirwa nuko abantu benshi bakwiye kwikingiza”.

Omicron yagaragaye muri Afrika Y’Epfo mu kwezi gushize, ikaba iteye impagarara ku Isi n’ubwoba bw’uko abantu bashobora kuyandura.